Shillong, Lber 13 : Ka MLA ka NPP na East Shillong bad nongaibuit ka Sorkar MDA Kong Ampareen Lyngdoh kala pynpaw ba u kham lah ban pynleit jingmut hala jong ka Assembly Constituency ban ia kaba iakhun ia ka elekshon MP shiteng samoi na Shillong Constituency.
“Ka jingkylli ba don jingkwah kam mih satia. Ka dei ka jingkylli jong ka jingaiti” ong ka kong Ampareen haba iakren bad ki nongthoh khubor ha ka sngi Thohdieng haba kylli la kan mih ban iakhun ia ka elekshon shiteng samoi.
“Ka Party kan sa rai halor u/ka kyrtong bad kin sa pan ruh ia ka jingmynjur na u/ka kyrtong…Nga kwah ban shah pynlait, haba ai ia ka lad ne ban jied namar nga dei ban pynleit jingmut ha ka LA seat jong nga bad ban nym shah pynthut”.
Ka kong Ampareen kaba shah rem ha ka elekshon Lok Sabha 2024 ha u Dr Ricky AJ Syngkon na ka VPP, kala pynpaw ba ka jingpynkhreh ia ka elekshon 2028 ha Jylla kala jan artad.
Kala ban jur ba ka rai ka shong ha ka party.
