Shillong, Nailar 05 : U Symbud Myntri Rangbah ba khmih ia ka Tnad Transport Bah Sniawbhalang Dhar ha ka sngi Balang ula ong ba ka One-Time Settlement Scheme ka Sorkar na ka bynta ki kali kala ioh lum pisa ia palat T.20 klur haduh mynta bad la khmih lynti ba kan kiew hashuwa ban kut ka jingbuhpor ba 31 tarik Nailar.
“Haduh mynta ngi la dep tam ia ka T.20 klur tam. Kyrmen ba ki trai kali kin wan shakhmat tad haduh ka sngi ba khatduh” ong u bah Sniawbha.
U iathuh ba ka Jylla ka lah ban iohpar ia kumba T.200 klur ka khajna lada baroh kiba khlem siew kin wan mih shakhmat.
“Ka lah ban kot sha ka T.200 klur. Ngam lah ban ong. To ngi ap katba ka jingkhein ka dang iaid man ka sngi” ula ong.
U Bah Sniawbha ula kyntu ia ki trai kali ba kin shim ia kane ka skhim, haba ong ba kawei na ki jingtyrwa kiba biang eh jong ka Sorkar.
“Kan dei ka jingduhnong jong ngi lada kim shim. Ka shong ha ki. Nga thikna ba kan kot ia ka 80-90 percent kiba shim” ula ong.
