Shillong, Naitung 23 : Ka Tnad Labour ka Jylla kala pyntip ba jan kot 1 lak ngut ki nongbylla bar jylla kila pynrung kyrteng (register) ialade hapoh ka Meghalaya Identification, Registration (Safety and Security) of Migrant Workers Act, 2020.
Kat haduh u 2024, palat 93,282 ngut ki nongbylla bar jylla kila pynrung kyrteng ha kane ka ain bad napdeng kine, ka East Khasi Hills kala wan nyngkong ha ka jingbun eh ki nongbylla bar jylla bala register haba ianujor bad kiwei pat ki district.
Ki nongbylla bar jylla ba pynung kyrteng ha East Khasi Hills ki kot ia ka 41,242 ngut, bud s aka East Jaintia Hills kaba kot 29,932 ngut.
Ha Ri-Bhoi District- 10138, West Khasi Hills-3820, West Jaintia Hills-3575, South West Khasi Hills-2858, West Garo Hills- 782, North Garo Hills-372, South Garo Hills-326, East Garo Hills-183 bad South West Garo Hills-55 ngut.
Kane ka jingpynrung kyrteng (register) bala sdang ha u snem 2021, ka thmu ban pynthikna ia ka jingshngain bad ka jing iada ia ki nongbylla bar jylla ha Meghalaya.
Ka bai pynrung kyrteng la buh ha ka dor ba T.50, bad ki nongbylla bar jylla ki donkam ban pynthymmai iaki labour card man la ka hynriew bnai.
Ka Tnad kala ioh lum haduh T. 9,328,300 na ka jingpynrung kyrteng ia ki nongbylla bar jylla ha u snem 2024.
Dang shen, ka Iingdorbar Thaw Ain ka Jylla kala mynjur ia ka amendment jong kane ka ain, kaba pynkiew ia ka kunai a kito ki ba pynkhein ain, kaba long na ka T.5000 sha ka T. 1 lak.
Ka amendment ka wanrah ruh ia ki kyndon kiba pyrrkhing bha ia ki nongbylla bar jylla ba wan na kiwei ki Jylla, kynthup ka jingtohkit bha ia ka jinglong jong ki da kaba pyndonkam ia ka Crime and Criminal Tracking Network System (CCTNS).
 ialade hapoh ka Meghalaya Identification, Registration (Safety and Security) of Migrant Workers Act, 2020.){kind=link}