Guwahati, Lber 11: Kawei ka Disco Jockey (DJ) bapawnam jong ka Guwahati, ka DJ Diony uba la tip kyrteng kum u Damini Bhajanka, ula jah rngai na ka nongbah Guwahati mynta la 3 bnai tam.
Kane ka DJ kadei uba la pawnam nam bad kane ka jingjah klep kynsan ka jongka kala pynkyndit bad pynlyngngoh ia kiba bun kiba ju leit ha ki Club.
Kane ka jingjah jong ka DJ Diony kadei naduh ka 13 tarik u Nohprah 2023 ha ka por ba ka Moble Phone jongka kam shym la ioh network shuh bad naduh katei ka por hi ym shim la iohi shuh ia ka ba kan iashimbynta ha kino kino ki rynsan ha ki “Social Networking” bad kane kala buh ruh ha ka jinglyngoh ngaiñ ia baroh halor ka jingjah kynsan jong kane ka DJ.
Lah ban kdew ba ka sien kaba khatduh eh kaba la iohi ia ka DJ Diony bad ki bahaiing bahasem ki jongka kadei ha ka Rangali Apartment hajan jongka Bhajanka Rice Mill ha Christian Basti.
Ki nongshong nongsah ha katei ka Apartment kila sdang ban wad jingtip hadien ba kila tip halor ka jingjah klep ka jongka hynrei kala don ka jingpynheh na ka liang ki bahaiing bahasem jong ka DJ Diony kiba la kam ruh ba ka don ha ka met kaba koit ba khiah bad kim shym la ailad ban ioh ban kylli pyrthuh eiei.
Kiba shong ha katei ka Apartment kila sdang ban shimkhia hi halide ia katei ka kam, ha kaba kila leit ban ujor da ka ejahar ha ka Dispur Police Station.
Ki pulit kila sdang ban pynlong ia ka jingtohkit bad ki paidbah kila sdang ban lynga ban tip shaphang katei ka jingjia halor ka jingjah klep jong ka DJ Diony.
