Tura, Nailar 06 : Ki Pulit SRT, ha ka sngi Balang, kila ioh tam ia ka met u Ophisar ka tnad Agriculture ka South West Garo Hills, Teseng M Sangma, narum jong ka kshaid Pelga hadien ka jingshah rong umsaw naduh ka sngi U Blei.
Kane ka jinglap kala pynkut noh ia ka jingiawad ia ka met kaba la iaid la lai sngi hapdeng ka SDRF, ka SRT bad ki Pulit nalor ki nongshongshong, kiba la hiar sha kylleng ki jaka ba don harud ka wah Ganol.
Ha kajuh ka por, ka Mahari(Kur) jong une u Ophisar kala kyntu ia ki paidbah ba kim dei ban pynsaphriang paidbah ia ka dur jong ka metiap une u doh u snam jong ki.
