Shillong, Naitung 22 : Ka Khasi Students Union (KSU) ryngkat ki paidbah, hynne ka sngi Saitjain, kila ioh ban pyllait im ia arngut ki Khynnah ap masi ha ka thain Khanduli, West Jaintia Hills na ka kti jong ka kynhun ki nongrahbor ba kynnoh dei ki nong Karbi.
Kane ka jingjia kala jia ha kawei ka jaka hapoh ka thain Khanduli, kaba don marjan bad ka jaka kaba pynlong jingialang da ka seng KSU.
Kat kum ka kyrwoh na ka KSU la iathuh ba katto katne ki suba Karbi kila pyrshang ban rahbor ia kine ki khynnah ar masi kaba ki dang ap ia ki masi kiba don kumba 20 tylli.
La iathuh ba kane ka kam jong ki suba Karbi ka dei kaba la leh da ka jingthmu ban pynthut bad pynkut jubor ia ka jingialang kaba iakren halor ki kam ki jam jong ka thain khappud.
La iathuh ba ki briew ba wan sha ka jingialang kila iohi ia kane ka kam kine ki suba Karbi bad mar mar kila pyrta ia ka jing iarap.
Ki Nongialam bad ki dkhot ka KSU ha ryngkat ki paidbah ha ryngkat ki Pulit ba wan pahara ia ka jingialang, kila iakhtong ban ioh kem ia kine ki suba Karbi hynrei kine ki paid Karbi kila lait da ka said. 
Ia kine ki khynnah bad ki masi la wan ialam noh sha Shnong da ki Dkhot ka KSU bad ki paidbah ka thain.
Pule ruh: Dawa ka JNC ia ka Sorkar ban tei noh ia ka Mini-Secretariat ha Jowai
