Thmu tynrah u nongniah scooty ia u Pulit
Shillong, Jymmang 02 : Ki Pulit ka East Khasi Hills kila ioh lum kuna ba kot kumba T.1.5 lak ha ka jingtalasi kali ha Laitumkhrah Police Point ha ka sngi Thohdieng.
Ia kane ka jingtalasi la leh da ka jingbuh haduh 30 ngut ki pulit traffic bad 15 ngut ki dkhot ka Special Operation Team (SOT).
Ki dkhot ka Laitumkhrah Dorbar Shnong kynthup ia u Rangbah Shnong bad Rangbah Dong kila iadon lang ban kyrshan ia ki Pulit, haba kyrpad ba kum kine ki jingtalasi ki dei ban iai bteng man ka por.
Ki Pulit kila pyntip ba la lap ia bun ki jingpynkhein kyndon ain ha kane ka jingtalasi.
“Ha ka jingtalasi, la dain kuna kaba kot kumba T.1.5 lak” ong u Superintendent of Police ka East Khasi Hills.
“Bun ki case ki dei kiba niah kali ha ka jingshoh khawiang, nalor ki jingpynkylla beain ia ki tiar kali” ula bynrap.
Uwei u nongniah scooty ula pyrshang ban phet krad na kane ka jingtalas bad jan tynrah ia uwei u Pulit.
“ Ha kawei ka jingjia, uwei u nongniah scooty ula thmu ban tynrah ia u UBC SM Sangma haba pyrshang ban phet na ka jingtalasi” ong u SP haba pyntip ba ki Pulit kila register case pyrshah ia une u nongniah scooty.
U SP ula ong “Ki Pulit ka EKH kin iai bteng ban pynlong ia ki jingtalasi khnang ba ki surok jong ngi kin long kiba shngain”.
