Guwahati, Rymphang 06 :Ka kynhun na ka tnat Custom ka Guwahati division kala ioh ban kurup kumba 11.56 kilo ka kynja mombati rben kaba iong ia kaba la suba jur ba ka dei ka prie kaba mih na ki dohkha whale ne ka ‘Ambergris’ na Guwahati ha kane ka sngi U Blei ba la lah.
Ka dor jong kane ka suba ‘Ambergris’ ka long haduh kumba T. 26.91 klur ha ki jaka iew jong ka pyrthei, ong u heh ka tnat custom.
Ia kane la ioh ban kurup da ka kynhun jong ka Divisional Preventive force na ka tnat Customs Division na ka nongbah Guwahati.
Ia ki bynta jong ka Ambrein ba la ioh na ka Ambergris la ju pyndonkam ha kaban kyntiew ia ka jingkhlain halor ka jingpynmih ia ki jingsuit iwbih.
Ha India ka jingdie bad ka jingbuh ia kine ki mar ka long kaba beain hapoh ki kyndon Schedule I jong ka Wild Life (Protection) Act, 1972.
