Agartala, Nohprah 01:Ki shipai ka Assam Rifles mynta ka sngi kila ioh ban kurup haduh 386 kilo u kynja uba shongdor haduh kumba 1.5 klur na ki bynta ka Mungiakami ha West Tripura district.
Hadien ba la ioh ia ka jingtip kaba bniah, ki shipai Assam Rifles ha ryngkat ki pulit ka Tripura kila pynlong ka jingleit khynra bad ioh ban kurup na une u drok na uwei u briew ba la tip kyrteng kum u Lalan Roy.
Na ka liang ki bor pulit kila kem noh ia une u briew bad kurup noh ia ka kali ba la pyndonkam ha kaba khaii beain ia une u drok.Ia une u briew bad ia ki mar ba la ioh kurup la aiti noh sha ki bor pulit ka Mungiakami ban leh ia kaba donkam.
Kham hashwa, kata ha ka 10 tarik u Naiwieng ba la dep, ki shipai Assam Rifles kila ioh ban kurup haduh 338 kilo u kynja uba shongdor kumba 1.3 klur tyngka na Dhalai district ka Tripura.
Hadien ba la io ia ka jingtip kaba bniah, ki bor shipai ryngkat ki bor pulit na Ambassa police station kila pynlong ka jingkhynra bad ioh ban kurup noh ia ka kali bad ia u nongniah uba la tip kyrteng kum u Tapan Debbarma nalor uwei pat u nongiarap u Samrit Debbarma nalor u kynja uba don haduh 338 kilo bad uba shongdor haduh kumba 1.3 klur tyngka.
