Suba ki Pulit ba don jingiadei u Chairman bad u Nongialam ka HNLC
Shillong, Nailar 17: Ka Iingkashari District and Session Court, East Khasi Hills ha ka sngi Palei kala phah haduh 8 sngi sha ka Police Custody ia ki 5 ngut ki Nongialam ka National Liberation Council of Nongkyndong (NLCN), ban tohkit bniah da ki Pulit.
Ka Tnad Pulit kala kem haduh 11 ngut ki briew haduh mynta namar ka jingiadon bynta bad kane ka seng kaikhlaw ba thymmai. Ia 5 ngut napdeng kine, la ialam tian bishar ha ka sngi Palei sha Iingkashari katba 4 ngut yn sa ialam tian bishar mynta ka sngi thohdieng, ka 18 tarik Nailar.
Napdeng kine ki 11 ngut, kawei ka dei ka Kynthei ba armet bad uwei u dei u Khynnah. Kane ka Kynthei la ngeit baka dei ka nongpynrung dkhot bad kaba lum ba lang ia ki kot ki sla ka kynhun. Kane ka kynthei ka dang don mynta hapdeng ka jingsumar ha Ganesh Das Hospital, Shillong namar ka dang armet bad pun khun kumba 3 bnai eiei.
Ia u Khynnah uba kam ialade kum u Chairman jong ka NLCN, la ialam noh ban set hapoh ka Juvenile Home. Ki Pulit kiba suba jur ba une u Khynnah uba dang pule klas X, u dei uba don jingiadei bad u Nongialam ka HNLC Bah Sainkupar Nongtraw.
Na ka liang u Myntri Rangbah ka Jylla Conrad K Sangma ha ka sngi Palei ula pynshai ba kam pat don satia kano kano ka jingmih thymmai ka seng kaikhlaw ha Jylla bad ki 11 ngut kiba shah kem ki dei kiba shu kam ialade kumki dkhot ka NLCN.
Pule lang ia kane: Ym don Kynhun Kaikhlaw thymmai ha Meghalaya; ong u Conrad halor ka jingkem ia ki NLCN
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
