Shillong, Nailar 17 : U Myntri Rangbah ka Jylla Conrad K Sangma, ha ka sngi Palei, ula pynshai ba ym pat don satia kano kano ka kynhun kaikhlaw ba mih thymmai hapoh ka Jylla Meghalaya bad ki 11 ngut ki briew ba shah kem ki dei kiba shu kam ialade kum ki dkhot ka National Liberation Council of Nongkyndong (NLCN).
“Ym pat don satia ka kynhun kaikhlaw thymmai, ki dei kiba shu kam dalade ialade kum ki dkhot. Ngi lah lum ia shibun ki jingtip bad ki Pulit kila shim ia ki sienjam kiba dei ban shim. Baroh ki briew kiba donkti kila shah kem” ong u Conrad haba iakren shabar jong kawei ka jingialang hynne ka sngi Palei.
U Myntri Rangbah ula ban jur ba ka jinglong jingman hi ka dang long jai jai beit bad ka Sorkar Jylla ka dang iai bteng ban peitngor bha.
“Ngi la peithuh bha ia ka jinglong jingman bad baroh ki dang long jai jai lut. Hynrei, ngim lah ban shu khein sting. Ngim ym khein sting satia da lei lei ruh” bynrap u Myntri Rangbah.
Lah ban kdew ba ki Pulit ka Jylla kila ioh ban pynpulom ia kawei ka kynhun kaikhlaw ba dang mih thymmai ha Ri-lum Khasi Jaintia ha ka sngi Balang. Kane ka kynhun ka dei kaba la jer kyrteng ka National Liberation Council of Nongkyndong.
Ki Pulit kila ioh kem haduh 11 ngut ki briew ba kynthup ia u Chairman ka kynhun, u Commander-in-Chief, u General Secretary bad ki Area Commander.
Pule lang ia kane: Buh jingkylli ka VPP ba kynnoh ai jaka leh business ka Tnad GAD ia u para u Myntri ha Meghalaya House
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
