Shillong Jylliew 21: Ka Elvachisa Ch Sangma bad u Dipankar Das kila ioh pdiang ia ka Indian Documentary Producers Association (IDPA) Award na ka bynta ka Best Student Film ha ka MIFF 2024 na ka bynta ka phlim ‘Chanchisoa (Expectation).
Ia katei ka phlim la Direct da ka Elvachisa Ch Sangma bad u Dipankar Das bad la pynmih pat ia ka da ka Dr Bhupen Hazarika Regional Govt Film & TV Institute.
Ka Elvachisa Ch Sangma bad u Dipankar Das kila shimti ia katei ka khusnam bad iaka song TYngka kaba T.1 Lak, na u Myntri ka Sorkar Maharashtra uba khmih ia ka tnad Cultural Affairs u Sudhir Mungantiwar, u President ka IDPA u Sanskar Desai, u Festival Director bad Joint Secretary ka Ministry of Information & Broadcasting u B Prithul Kumar bad u Tyngshop ba pawnam ka ri u Shekhar Suman.
Katei ka phlim lyngkot kadei shaphang ka jingiadei jong ka jinglong tynrai, jingieid bad ka jingiadei hapdeng ki briew bad ka mariang bad ki longiing kiba la ai jait sha ka kmie jong ka rilum Garo.
Ka Elvachisa kaba na Meghalaya kadei kaba la pyntbit ha ka Cinematography bad ka don ia ka jingthrang ban shna ia ki phlim ban pyninam ia ki khana kiba phyla bad kyrpang naka kolshor.
Katba u Dipankar Das uba na North Lakhimpur, Assam ula pule ha ka lain shna phlim bad u don iaka jingthrang ban iaid shakhamt ha ka kam shna phlim.
