Shillong, Lber 28 : Ka Sorkar Pdeng kala mang ia ka pisa ba palat T. 6 klur ban thied ia ki 6162 tylli ki smartphone na ka bynta ki nongtrei Anganwadi ha Jylla Meghalaya.
Haba pyntip ia kane ha ka sngi Thohdieng, u Myntri ka Tnad Social Welfare Bah Paul Lyngdoh ula ong “Nga sngewkmen ban pynbna ia ka jingmang pisa ba palat T. 6 klur da ka Ministry of Women and Child Development na ka bynta ban thied ia 6162 tylli ki smartphone ban pyndonkam da ki nongtrei Anganwadi ba kin pynjanai ia ka rukom treikam bad ka jingshakri sha ki paidbah ka Jylla Meghalaya”.
“Kawei ka smartphone kan long T.10,000 bad yn sa sam sha ki nongtrei Anganwadi shuwa ban kut u bnai Iaiong, 2025” ula bynrap.
