Shillong, Naiwieng 13: U MP ka Rajya Sabha Rakesh Sinha hynnin ka sngi saitjain ula plie ia ka khyrdop ba pdiang sngewbha sha shnong (Welcome Gate) jong ka Shnong ba shu siaw- ka Kongthong.
Ia kane ka khyrdop la ainam ha ka kyrteng u nongiakhun laitluid ka Jaidbynriew U Tirot Sing Syiem.
Haba kren ha ka jingialang, u Sinha ula ong ba ka dei ka kamram jong u ban pynkupbor ia u paidbah.
“Ka bynta jong nga kam dei satia tang ia ka roi ka par jong ka Kongthong hynrei ban weng ia baroh ki jingeh bad ban pynkupbor ia u paidbah. Ai ba u MP ka Thain bad ki MLA kin sngewthuh ba ki hap ban leit iuhkjat sha ki jaka kyndong baf iakynduh ia ki paidbah. Ki la shah jied ym ban shu shong ha Parliament ne ha ki ophis jong ki” ula ong.
Haba pynpaw ba ka don ka jingbymbiang haba phai sha ka jingiadei ki Nongmihkhmat bad ki paidbah khamtam ha ki jaka nongkyndong, u Sinha ula ong ba kane ka dei ka kam kaba hap ban pynbeit.
