Shillong, Lber 12: U Myntri ka Tnad Pule Puthi Rakkam A Sangma hynne ka sngi Balang, ula pyntip ba ka Sorkar Pdeng ka lah dep ban mang ban tei ia ki 38 tylli ki Eklavya Model Residential Schools (EMRS) ha ka jylla baroh kawei.
“Ngi lah tyrwa ban tei ia ki 4 tylli ki Center of Excellence for Sports bad ngi dang ap ban ioh ia ka jingmynjur na ka Sorkar Pdeng” ong u Rakkam haba jubab ha ka kynta kylli jingkylli.
Ula pyntip ba 5 tylli na ki 38 tylli ki EMRS kila mad ia ka jingeh ban ioh ia ka jaka bad kane ka kynthup ha ka Laitkor block, Mawryngkneng block, Mylliem block, Umsning block bad Laskein block.
Katkum ka jingong ka jong u, 16 tylli ki projek kila iaid shakhmat bad 7 tylli ki dang don ha ka lynti jong ka jingpynkhreh ia ka Detailed Project Report (DPR).
U Myntri ula pyntip shuh shuh ba haduh mynta, ka jingtei ia ki ar tylli ki EMRS ha Samanda bad Pahamsyiem ki dei kiba la pyndep ia ka jingtei baroh.
“Ngi dang tynruh ia ka Ministry ba kan sdang noh ban pyntreikam ia ki (mardor)” ula ong.
Haba u MLA ka Mawryngkneng u Bah Heavingstone Kharpran ula kyntait ba kam shym la don kano kano ka jingeh ha kaba iadei bad ka jaka ha Mawryngkneng khamtam haba ka Dorbar Shnong kala dep ai ia ka NOC bad ki ophisar ka tnad pule puthi kila dep ban pynlong ia ka jingjurip, na ka liang u Myntri Sorkar ula ong ba ka tnad ka dang ap ia ka kaiphod kaba pura halor kane ka kam.
 ha ka jylla baroh kawei.){kind=link}