Shillong, Lber 12 : Ka Sorkar Jylla kala shim ia bun ki sienjam ban iakhun ia ki kam bymman lyngba ki kor online/internet kaba ki ong ki Cybercime hapoh ka Jylla.
Haba pyntip ha ka jubab bala wanrah ha Iingdorbar, u Symbud Myntri Rangbah ba khmih ia ka Tnad Home (Police) Bah Prestone Tynsong ula ong ba kine ki sienjam ki kynthup ia ka jingpynkha ia ka post Superintendent of Police (Cyber Crime), pynkha ia ka Cybey Crime Police Station bad ka 24/7 Cyber Crime Helpline (1930) ban ioh ai jingiarap mar mar.
U pyntip ruh ba ka don ka National Cyber Crime Reporting Portal (cybercrime.gov.in) ba ki paidbah ki lah ban ai jingtip ne buh ia ki jingujor ia ki jingshah thok shah shukor.
U Bah Prestone u pyntip ba ia ki case cyber crime ha Jylla la tohkit bad pynsajia hapoh ki Ain jong ka Parliament : The Information Technology Act, 2000 bad The Bharatiya Nyaya Sanhita, 2023.
Ula pyntip ruh ba ka Tnad kala pyntreikam ia kine ki sienjam ban pynkhlain ia ka jingsngewthuh ki paidbah halor ki cyber crime khamtam ha ki jaka nongkyndong.
