Tura, Nohprah 18: Hynne ka Lah Sngi u Blei ka District Football Association, kala pynlong ia ka Annual General Meeting jongka ha ABC Guest House, Wadanang ha kaba la jied ia ki nongkitkam kiba thymmai jong ka DFA.
Ha kane ka jingialang la wan ban iashimbynta da ki dkhot bad ki nongialam jong ki Association bad ki Football Club kiba don hapoh ka district ha kaba kila iatai sani halor ki sienjam na ka bynta ban kyntiew iaka jingialehkai Football.
Nalor kane, la pynkut noh iaka jingtreikam jong ka Executive Committee bad la jied thymmai noh ia ki nongkitkam jong ka Association.
Kane ka jingialang kala sdang, da kaba ioh iaka jingkren na u President ka DFA uba la shong noh bad la ioh ruh ia ka kaiphod treikam na u Secretary bad hadien ka jingiatai sani halor ka kaiphod kabala wanrah da u Secretary la pynkut noh ia ka jingtreikam jong ka EC bad la jied noh ia ki nongkitkam kiba thymmai bad hadien kane la ioh ia ka jingkren na u President bad u Secretary bathymmai ka DFA.
Ki nongkitkam ba thymmai ka DFA ki kynthup ia u Saljagring M Marak kum u President, u Sengrak D Marak bad Gamseng Ch Marak kum ki Vice President bad Gamcheng R Marak kum u General Secretary.
Kiwie kiwei ki nongkitkam ki kynthup ia u Newton Ch Sangma bad Nancy A Sangma kum ki Joint Secretary, Dalmatheush Ch Marak kum u Treasurer, Organising Secretary u Ballam M Marak, Sengbath Ch Marak u Publicity Secretary.
Katba ki Executive Member ki kynthup ia u Chisreng Ch Marak, Selpring S Sangma, Rapsing Ch Marak, Manseng R Marak, Robertclive Ch Momin, Chinmoy Choudhary, Silman R Marak bad Gamseng N Sangma.
