Nongpoh, Naitung 31 : Ka Byrnihat kala ioh ia a Solid Waste Management project ( ka jaka ban lum ban lang ia ki niut) ba T.1.46 klur, kaba la wan lyngba ka National clear air prokram ka Sorkar.
Kane ka project kan kdup ia 20 tylli ki Shnong jong ka thain Byrnihat-ban lah wanrah ia ka khuid ka suba ha ki shnong ki thaw.
Ban lah pyntreikam shakhmat ia ka project, ka Ophis u Block Development Officer (BDO), Umling ha ryngkat u MLA ka thain Bah Sosthenes Sohtun, ha ka sngi Palei, kila lum ia ka jingialang bad baroh ki Rangbah Shnong bad Secretary Shnong ki 20 tylli ki Shnong ha Byrnihat, ban ai ka jingbatai halor ka jingtreikam jong kane ka project. Ha kane ka jingialang, la iadonlang ruh u Syiem ka Raid Marwet bad kiwei kiwei.
Lah ban kdew hangne ba ka Byrnihat kala ioh ia ka kyrdan kum ka sor kaba jakhlia tam ka lyer ha ka pyrthei kat kum ka AQAir’s World Air Quality Report, 2024.
Haba kren sha ki lad pathai khubor hadien ka jingialang, u Bah Sosthenes ula pyntip ba kane ka project kala wan da ka jingtrei shitom jong ka Ophis u BDO, ma u kum u MLA bad ka Ophis u Deputy Commissioner ka Ri-Bhoi District.
U iathuh ba ka jinglum ia kane ka jingialang ka long eh ban pynsngewthuh ia ki Rangbah Shnong shaphang ka project bad ka jingdonkam jong ka jingiatreilang ki paidbah nongshongshnong ban lah wanrah ia ka khuid ka suba ha ki shnong ki thaw ym shuh ba bret pathar ia ki niut kat shaba lap bas hem.
 ba T.1.46 klur, kaba la wan lyngba ka National clear air prokram ka Sorkar.){kind=link}