Tura, Lber 01: Kumba 500 ngut ki samla pule kiba leh ia ka Final Semester na ka Don Bosco College, Tura hynne ka sngi, kila iashimbynta ha ka Awareness Programme ha kaba iadei bad ka CUET Examination.
Ia kane ka prorkam ai jingpynsngewthuh, la pynlong da ka Don Bosco College ryngkat ka jingiatrei lang bad ka College Welfare Advisory Committee jongka North Eastern Hill University (NEHU), Tura Campus.
La pynlong ia kane, da ka jingthmu ban pynsngewthuh ia ki samla pule ha kaba iadei bad ka CUET PG Examination bad ka rukom pdiang ne ka Admission kaba shim da ka skulbah NEHU ia ki samla pule.
U Associate Professor bad u Chairman jongka College Welfare Advisory Committee ka NEHU, Tura Campus, Dr. Binu Mathew, ula maitphang ha kaba iadei bad katei ka mat bad ula batai ia ka rukom pynlong ia ka eksam CUET PG bad ula ai jingbatai ruh halor ka rukom pdiang ka skulbah NEHU ia ki samla pule.
Katba u Principal of Don Bosco College, Tura, u Fr. Bivan Rodriques Mukhim, ula pyntip ba 90 percent ki samla pule kila dep ban pynrung kyrteng na ka bynta ka CUET Examination 2024.
Khnang ban pynthikna ba ki samla pule kin ioh iashimbynta ha kane ka prokram, ki bor pyniaid jong ka college kila phiah ha ki ar bynta ia ki samla pule bad la pynlong ia katei ka jingialang ar sien ban pynsngewthuh bad ban ai jingpynshai ia ki samla pule baroh.
U Dr. Colnat B. Marak, Nodal Officer na ka bynta CUET ha Don Bosco College, ula ai ia ka jngbatai bad ula ai khublei ia baroh ki nongiashimbynta ha ka prokram.
