Shillong Nailur 29: Ka samla Bahun Nongrum, kaba dei ka Miss Meghalaya, kala wanrah nam bad burom ia ka jylla da kaba ioh ia ka kyrdan 1st Runner-Up ha ka jingiakob thei bhabriew ka Miss Divine Beauty 2025 kaba la tip ruh kum ka Miss Earth India 2025.
Nalor ka jingioh ia ka 1st Runner Up ka samla Bahun kala ioh ruh ia ka khusnam Miss Congeniality 2025.
Ka samla Bahun, kham mynshwa kala mihkhmat ia ka jylla Meghalaya ha ka rynsan iakob thei bhabriew Miss Universe India 2024 bad kala pynpaw ia ka jingsngewnguh ia u Blei uba la theh ia ka jingkyrkhu ha kaban ai ia ka met kaba koit ba khiah bad ka jingkhlain ha shi lynter ha ka jingiaid lynti ka jongka.
Kala ai khublei ruh ia ki bahaiing bahasem ki jongka, ki paralok parajor kiba iai bteng ban ai ka jingkyrshan bad jingpynshlur.
“Kane ka jingioh jingithuh kam dei eh tang ia nga, hynrei kadei na ka bynta baroh kiba la kyrshan ia nga naduh ka por kaba sdang” ong ka samla Bahun bad kala ai burom ia kane ka jingjop sha baroh kiba ieng ryngkat lang bad ka.
