Shillong, Naiwieng 12: Lai ngut ki Thei ialehkai Cricket jong ka Meghalaya ki lah shah jied ban mihkhmat ia ka North East Zone Team ha ka Senior Women’s Inter-Zonal T20 Trophy 2023, kaban long naduh ka 24 tarik u Naiwieng haduh ka 4 tarik u Nohprah.
Ka Zonal Selection Committee kala iatai sani bad peit ia ka rukom ialehkai jong kine ki nongialehkai kiba la iashimbynta ha ki Tornament jongka BCCI naduh u 2022-23 bad 2023-24 bad khatduh kila ioh ban jied iaka kyrteng jong ki 15 ngut ban don ha ka kynhun.
Ia katei ka jingiakob ialehkai yn pynlong ha Lucknow, ha kaba ka NE Zone kan hap ban iakhun pyrshah ia ka North Zone.
Ki 3 ngut ki nongialehkai ka Meghalaya kiba la shah jied ki kynthup ia ka Riticia Nongbet, Luiza Tamang bad ka Debasmita Dutta kaban sa long ruh kum ka Vice-Captain jong ka kynhun ialehkai.
Katba ka Ajima Sangma kala rung ha ka thup kyrteng kum ka Standbys bad ka Baiahun Mylliemngap kan long ka Manager jong katei ka kynhun.
Ki nongialehkai jong ka kynhun North East ki kynthup ia ka Nabam Yapu (Arunachal Pradesh), Haorungbam Kiran Bala Chanu, Rajkumari Linthoingabi Devi, Keisham Kalpana Devi baroh kiba na Manipur, ka Riticia Nongbet, Luiza Tamang, Debasmita Dutta na Meghalaya, ka Lalrinmawii, PC Vangsangzuali na Mizoram, Limatola Ao, Sentilemla Imsong, Jyoti Thapa, Sariba Khan kine baroh na Nagaland, ka Purnimaya Gurung, Primula Chetri kiba na Sikkim.
Standbys ki kynthup ia ka Koijam Ranjita (Manipur), Ajima Sangma (Meghalaya), Vanlalremtluangi (Mizoram), Alemienla (Nagaland), Tshering Ongmu Lepcha (Sikkim). Katba ki Support Staff ki kynthup ia ka Baiahun Mylliemngap (Meghalaya) – Manager, ka Sonam Palden Bhuta (Sikkim) – Head Coach, Kikam Bhutia (Sikkim) – Coach, Wangshila Jamir (Nagaland) – Physio,
Jasika Karam (Manipur) – Strength and Conditioning Coach
Ki jingiakhun jong ka North East
North East vs North Zone, 24 tarik u Naiwieng
North East vs West Zone, 28 tarik u Naiwieng
North East vs South Zone, 30 tarik u Naiwieng
North East vs Central Zone, 2 tarik u Nohprah
