Shillong, Nailur 13 : Ka Christ Church Morning School bad ka Umrynjah Presbyterian School, kin iaknieh ia ka nam lahduh ne ka Champion jong ka lympung ialehkai IX Interschool Knock-Out Football Tournament ba ju pynlong manla u snem da ka seng Federation of Khasi Jaintia & Garo People (FKJGP)-Mawlai Circle.
Kine ki artylli ki kynhun kin iakhun ia ka phainal ha ka 15 tarik Nailur ha Madan Heh Mini Stadium, Mawlai Phudmuri ha ka por 3 baje janmiet.
Lah ban pdew hangne ba haduh 15 tylli ki skul kiba wan ban iashimbynta ha kane ka lympung ialehkai.
Ka FKJGP-Mawlai Circle kala pynlong ia kane ka lympung mynta u snem halor ka phang pdeng kaba ong “Emi a u Drok, Hooid ia ka Phutbol”. Ka dei ruh ka lympung ka ban pynshlur ia ki samla ba kin shim bynta ha ki kam ialehkai ne kam kilan met ban lait na kino kino ki kam ne ki jingdih kiba sniew.
Ia kane ka jingiakhun phainal yn wan ban pynshongkun da u General Secretary ka Seng Kmie Bah Eldie N Lyngdoh kum u Kongsan bad u Vice President Kitboklang Nongphlang kum u Symbud Kongsan nalor u Special Guest Bah Tamdor Nadong.
Ka Seng ka iawer ia baroh naduh ki samla , Longkmie-Longkpa bad khamtam ia ki paidbah kiba ieid ia ka phutbol ba phin iapoi ban sakhi ia katei ka jingialehkai.
-Mawlai Circle.){kind=link}