Shillong, Nailur 23: Ha ka jingiakhun ba nyngkong jong ka samoi ba 10 jong ka Indian Super Leaque, u Rang ialehkai ka Bengaluru FC Ryan Williams la kynnoh ba ula kren niewpoh jaidbynriew ia u Aiban Dohling, u rang ialehkai shadien jong ka Kerela Blaster.
Kane ka jingjia kala jia ha ka minit ba 82 jong ka jingiakhun, ha kaba ka Kerela Blaster kala ioh khur ia ka jingjop.
“…uwei na ki rang ialehkai ula shah kren niewpoh ha u rang ialehkai ka Bengaluru FC. Ngi kwah ban kren shai ba kam don jaka satia ia ka jingkhein poh jaidbynrew lane kren khlem akor ha ka club jong ngi bad kane ka jingialehkai. Ka jingkren kynthoh jaidbynriew, ka jingibein bad jingleh khlemakor kam don jaka ha ka madan ialeh ball ne ha kano kano ka jaka” ong ka kyrwoh na ki bor khmih ka Kerela Blaster.
Ka Clubb kala buh da ka jingujor sha ki bor ba dei khmih haba dawa ban pynlong ia ka jingtohkit kabba bniah halor kane ka jingjia.
Ha kajuh ka por, ka Kerela Blaster ha ka kyrwoh kala kyntu ia ka Bengaluru FC ba kan leh eiei pyrshah ia u Ryan Williams.
