Shillong, K’lyngkot 12 : U Myntri Rangbah ka Jylla Conrad K Sangma hynne ka sngi U Blei, ula hiar nala ka jong ka kali ban iarap ia ki arngut ki nongjngohkai pyrthei, kiba la mynsaw na ka jingaksiden kali ha Mawkdok.
Kine ki nongjngohkai ki dei kiba wan na Assam bad ki dang don na lynti ban wan phai na Sohra sha Shillong. Kine ki briew kila mynsaw malu mala na kane ka jingkylla pyrdet ka kali kaba ki iashong.
U Myntri Rangbah ka Jylla uba dang wan phai na Sohra, ula lap ia kane ka jingjia ha Mawkdok bad ula hiar wut wut na kali ban leit jngoh bad ai jingiarap ia kine kiba mynsaw. Ka Myntri ka Koit ka Khiah Kong Ampareen Lyngdoh, kala iadonlang ha kane ka por bad u Myntri Rangbah.
U Doktor uba bud ia u Myntri Rangbah ula khmih bniah ia kine kiba mynsaw bad hadien la phah wan ia ka Ambulance ban pynkit noh ia ki sha Hospital.
