Shillong, Risaw 19 : Ki Kynhun Sengbhalang kila ieng tylli mynta bad ka Saindur Tipkur Tipkha Ehrngiew Hynniewtrep (STIEH), ban pyrshah jur ia ka jingpynlong ka Sorkar Jylla ia ka Shillong Cherry Blossom ha ka Sngi U Blei.
Kine ki kynhun Sengbhalang kila thaw ruh ia ka Joint Action Committee (JAC), ban pynbor ia ka Sorkar ba kan pynkynriah noh ia ka sngi kut jong kane ka tamasa kaba hap ha ka sngi U Blei.
Kine ki Sengbhalang ki kynthup ia ka Hynniewtrep Youth Council (HYC), Meghalaya People United Front (MPUF), Ri-bhoi Youth Organization (RBYO), United Hynniewtrep Movement (UHM), Saindur Tipkur Tipkha Ehrngiew Hynniewtrep (STIEH) bad ka Meghalaya People’s Social Organization (MPSO).
Kane ka kynhun kala dawa ia u Myntri ka Tnad Jngohkti Bah Paul Lyngdoh ba un pynkynriah noh ia ka sngi pynkut jong kane ka tamasa.
Shuwa kane, ka JAC kala pyrshang ban leit iakynduh ia u Myntri ka Tnad jngohkai hynrei la kynnoh ba u Myntri ula kyntait ban aipor ia ki ha kaban iakynduh.
Haba kren sha ki lad pathai khubor u President ka RBYO bah B.G Lapang ula iathuh ba naka liang ka JAC kan nym shong thait ban ialeh katba lah ban pynthikna baka sorkar kan ym lah ban pynlong ia ka Cherry Blossom Festival haka sngi U Blei.
U bah Lapang ula ong ba ki paidbah kim pyrshah iaka tamasa hynrei kim sngew iahap ban pynlong haka sngi U Blei kaba dei ka sngi kyrpang iaki paidbah ka thain khamtam ki riewngeit Kristan.
Ula kynnoh ruh b aka sorkar ka khlem kynjoh ktien ia ki bor shnong hashuwa ban pynlong iaka tamasa Cherry Blossom Festival haka sngi U Blei ha Madan Kurkalang Ri-bhoi district.
Pule lang ia kane: Pynmih ka IIT Guwahati ia u tiar ba iarap ia ki nongpang shini da ka jingthew ia ka bam
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
