Shillong, Jylliew 05 : U National Vice President ka NPP bad MLA barim ka Dadenggre James PK Sangma ula iehnohkam kum u Chairman ka Meghalaya Industrial Development Corporation Limited (MIDC), kaba treikam naduh ka 4 tarik Jylliew.
Kane ka jingiehnohkam kala wan hadien ba ula shah jied ban long u kyrtong ka Meghalaya Democratic Alliance –II sha ka elekshon ka Rajya Sabha ban long la 18 tarik Jylliew.
Haba pynbna ia ka rai ha social media ha ka sngi Thohdieng, u James ula iathuh ba ula buh ia ka shithi iehnohkam kam ha ka sngi Palei, haba shim ia ka kam kum ka burom kaba khraw duh.
Ula pynpaw ia ka jingsngewnguh ia u Myntri Rangbah ka Jylla Conrad K Sangma namar ka jingshaniah bad sngewskhem bala ai ha u, haba pynpaw ba ki jingbtin lynti u CM ki dei ki tyllong ka jingai mynsiem haka samoi treikam jong u.
U James ula ai khublei ruh ia ki Board of Directors ka MIDC, ki Ophisar, ki Nongtrei haba shim ba ka por ba ula pynlut bad ki ka dei kawei naki jingshem kiba la nang pynpei phang shuh shuh ha ka kam ba u trei.
, kaba treikam naduh ka 4 tarik Jylliew.){kind=link}