Shillong, Jylliew 05 : U Myntri ka Ministry of Health & Family Welfare ka Sorkar Pdeng JP Nadda ula iashimbynta ha ka prokram thungdieng ha Shillong Golf Club hynna ka sngi Thohdieng, kaba pyni ia ka jingrakhe ia BJP ia ka World Environment Day ha ka Ri baroh kawei.
Ia kane ka prokram la pynlong hapoh ka campaign u Myntri Rangbah Duh ‘One Tree One Mother”, kaba kyntu ia ki nong shongshnong ban thung ia ki synbai dieng kum ka burom iala ki jong ki Kmie ban kyntiew ia ka jingpynneh pynsah ia ka mariang.
U Nadda ula ong ba ia kane ka campaign la sdang ha u snem 2024 bad la nang pynheh shuh shuh ia ka, ha kaba da ki lak ngut ki nongtrei ka BJP kila iashimbynta ha kylleng ka Ri.
Ula pynpaw ba kane ka campaign ka pyniadei ia ka jingsumar naduh ka dohnud iala ki Kmie bad ka bynta jong ka mariang ban ai jingim.
U MLA ka Pynthorumkhrah bad nongialam ka BJP Bah A.L.Hek uba la iadonlang, ula ong ba ka jingiatreilang bad ka jingthung ia ki dieng ki dei ki bynta ba kongsan ban iada ia ka mariang.
Ula bynrap ba ka jingiada ia ki khlaw, ki tyllong um bad ki jingthaw ba im ki long kiba kongsan na ka bynta ka jinglong ryntih ka mariang bad ki pateng ban wan.
