Nongstoin, Jylliew 05: Ka HYC Lai Lyngdoh Circle, kala dawa ia ka Sorkar ba kan tuklar ha kaban shna thymmai noh ia ki artylli ki jingkieng ha Mawthungkper-Mawkaton namar ba kala shong synjor.
Kane ka Seng kala aiti ruh da ka dorkhas ha u Symbud Myntri Rangbah ba khmih ia ka Tnad PWD (R&B) Bah Prestone Tynsong ha ka sngi Palei ba u don ha Nongstoin.
Ka Seng kala iakynduh markhmat ia u DyCM bad kyntu ban mang pisa pisa kyrkieh noh na ka bynta ban shna thymmai ia kine ki jingkieng, kiba ki jinglong jingman mynta kila buh ha ka jingma ia ka leit ka wan u paidbah.
U President samla Wandappynkmen Marweiñ ula iathuh ba ha kane ka juh ka janmiet, ka seng ka la iakynduh ruh ia u MLA ka Nongstoin Constituency Bah Grabiel Wahlang ban kyrpad ba un buddien lem halor katei ka kam.
Ka HYC kala pynkynmaw ba ha ki snem bala dep, kala dep ban ai jingthoh sha ka Tnad PWD bad buh ruh ia ka jingujor hapoh ka Ophis u Deputy Commissioner halor ka jinglong jingman kitei ki jingkieng.
Kala pynpaw ba kan iaid buddien ia kane ka kam haduh ba kan da urlong.
