spot_img

Ïawer ka SRSRB ban wan iashimbynta ha ka jingialang ki Nongialam Shnong ka Ri Bhoi

Date:

Share post:

Nongpoh, Lber 02: Ka Synjuk Ki Rangbah Shnong, Ribhoi district mynta ka sngi Saitjaiñ kala pyntip ba kan lum ïaka jingialang jong ki Rangbah Shnong kaba kyrpang ha Nongpoh naka bynta ban ïa pynbeit ïaki kam jong ka District ha shwa ba kin ïoh ban ïa kynduh bad u khlieh duh u ba shynshar ïaka District Council u Bah Pynïaid Sing Syiem uba dei u CEM jong ka District Council.

Haba kren sha ki lad pathai khubor u Bah B Sylliang, Secretary ka Synjuk Ki rangbah Shnong Ribhoi district ha ka jingiadon lang u bah BB Makdoh Chairman lem bad kiwei kiwei ki dkhot, u la pynpaw ka jingsngew kmen ba u CEM ka District Council Bah Pynïaid Sing Syiem u la pyntikna ba un sa wan haka 12 tarik jong u bnai Lber ha ka jingialang kaba kyrpang ban ïa kynduh bad ki nongialam ka Synjuk lem bad ïa nongpynïaid Shnong jong ki shnong bapher bapher lem bad ïaki Seng Longkmie bad ki Seng Samla halor Ka jingthm ba u CEM un ïoh ban ia mir jingmut ha ka liang ka synshar ka khadar khamtam ha kaba iadei bad ka jongbhah tyngka (direct funding) Jong ka Sorkar Pdeng.

Na ka liang ka Synjuk ki Rangbah Shnong ka khot la wer iaphi ïa baroh ban ia wan san ngut kawei ka Shnong ban ia donlang ha katei ka jingialang ka ban long haka 12 tarik lber, 2024 ha Library Hall, Nongpoh ka ban sdang naduh kapor 10 baje mynstep.
Ka Synjuk ka la pyntip ba kala pynkhreh ruh ïaka Memorandum halor ki mat ki jura jong ka District ki ban sa aiti sha u CEM ha katei ka sngi.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...