Shillong, Lber 02: Ka Iingkashari jong ka District and Session Court Shillong hynne ka sngi kala ai bor ia ki pulit ban kin pynlong ia ka jingtohkit haduh 10 sngi ia u Ehrang ka Hynniewtrep National Liberation Council (HNLC) u Bah Storgy Lyngdoh.
Ki pulit ka East Khasi Hills kila pynpaw ba u Bah Storgy u dei u PSO jong u A Hazarika uba la khot sin da u Manbhalang Jyrwa uba dei u Vice Chairman barim ka HNLC bad u Bah Storgy udei ruh uba iajan bha bad u Deputy Commander-in-Chief ka HNLC.
Ki pulit kila iathuh ba u Bah Storgy ula sam ia ki shithi dawa pisa kaba la pynlong ia kiba bun ki nongkhaii ha nongbah Shillong ban sheptieng bad kumta kila iohkem ia u hynne ka step na Mawlynrei, Khliehshnong kila ioh kurup ia kawei ka Sim Card Bangladesh.
Ki pulit ki la rah ia u Bah Storgy Lyngdoh sha ka District and Session Court Shillong na ka bynta ban pan por ban pynlong ia ka jingtohkit bad ka ingkashari kala ai bor 10 sngi ia ki pulit ban tohkit ia u Bah Storgy.
