-->

SSA CHAMPIONS CUP | Jam ka Mawlai sha ka semifinal da ka jingjop ia ka Mawpat

Date:

Share post:

Shillong, Naiwieng 19 : Ka Mawlai Sorts Club ka dei ka kynhun ialehkai ba nyngkong ka ban buh jaka ialade ha ka semifinal ka lympung ialehkai SSA Champions Cup 2026 bad kane ka la wan hadien ba ka la pynliem ia ka Mawpat SC da 3-2, ha ka jingiakhun kaba la long hynne ka nohphai sngi ha SSA Stadium, Polo.

U Reform Pale (17’), u la lah ban lam khmat ia ka kynhun ialehkai ka Mawpat ban pynkhih nyngkong ia ka jar, hynrei ka Mawlai SC, ka la ieng iakhun tyngeh bad ioh pat ba kan thep ar kol kaba la wan lyngba u Damanbhalang Chyne (26’, 47’) bad ia ka kol kaba lai ia ka Mawlai SC la ioh ban thep da u Ricky Chyne (85’).

Hynrei shwa ba ka jingiakhun kan khreh ban jam noh sha kaba kut, ka Mawpat SC ka la ioh ia ka kabu ba kan thep ia ka kol kaba ar ka jong ka lyngba u Sparkle Khongshei (89’), kaba pynkylla long ia kane ka jingiakhun kaba iakhaid bad ba ia biang bor bha.

Lyngba  kane ka jingjop, ka Mawlai ka la ioh ba kan khur pura 9 point na ki lai sin ialehkai ba ka la dep bad sah ha kti sa kawei pat ka jingiakhun, katba na ka liang ka Mawpat SC, kane kan dei ka jingiakhun ba khatduh ka jong ka, bad ba ka la ioh ba kan khur 7 point bad ia mynta kan don ha ka kyrdan kaba ar kaba buh ia ka ha ka thong ba ka lah ba kan jam sha ka semifinal, hadien ba ka Mawpdang SC ka la ioh ba kan khur 4 point bad ban lah ban jam sha ka semifinal, ka donkam ba kan pynliem ia ka Lamlynti la sngi Saitjain.

Ka Mawpat kaba bat ruh ia ka nam kum ka lahduh ka Second Division, ka rung sha kane ka jingiakhun ba hynne ka sngi, kum ka kynhun kaba khlem shah rem, kaba dei halor kane ka nongrim, ba ka la ai mynsiem bha ia kane ka kynhun ba kan ieng iakhun tyngeh bha ia ka Mawlai.

Nalor katta  na ka por sha ka por, ka Mawpat ka ialeh bha ba kan ksam lyngba ia ka kut ka Mawlai, kaba don ruh ki khep ba ka la jan lah ba kan pynurlong ia ka sha ki kol, bad ka kabu ksiar ia kane ka kynhun ka dei ha ka minit kaba 36 lyngba u Oliver Pale u la shu lait salit ban pynkhih ia ka jar bad ka kylla step ka la kut ba ki ar kynhun kin lah shwa ban iakhaid..

Haba wan ban bteng ia ka kylla miet, ka Mawlai ka la kylla syndet ia rukom ialehkai ka jong ka, kaba hangne dain shi dain ka la sdang ba kan pyrshang ruh ba kan pynkhih ia ka jar bad ki kabu ksiar kiba kham paw kadei Lovingstar Suting, hadien ba ka bol kaba u la shut ka la dei beit ia ka diengkol.

Pynban ha ki sekon bad ki minit ba ka jingiakhun ka  btang ban jam shakhmat, ka sur ialehkai ka Mawlai ka sdang ban hiar , kaba hangne ka plie lad iaka Mawpat SC ba kan ioh biang ba kan pynkhih ia ka jar kaba la wan lyngba ka corner.

Haba ka jingiakhun ka la khreh jam sha kaba jan kut, kam lah ban khlem pynrah mynsiem bha ia ki paid nongkyrshan ka Mawlai, hynrei ki rang ba ialehkai ha madan, ki la ieng ban shan tyngeh tad haduh ba kin da lah ban khur ia ka jingjop ban bat ia ka kyrdan ba halor duh ha ka Gr-A bad jam sha ka semifinal.

Lashai ka sngi ka jingiakhun ka Group B ka jingiakhun kan long hapdeng ka Shillong Lajong FC pyrshah  ia ka Mawkhar SC, ka jingiakhun ba dei jong ka Gr-B kaban long ha ka por 2:30 nohphai sngi.

 

Share post:

-->
spot_img

Popular

More like this
Related

Dawa ka FKJGP bad JSU ban pynieng noh ia ki khyrdop Entry-Exit Point ha ki jaka khappud ka Assam

Jowai, Naiwieng 19: Ka Federation of Khasi Jaintia and...

Husiar ka jingdih dawai Antibiotiks : Ka Jingma kaba ap lada ngi pyndonkam bakla

Pynmih da ka Department of Microbiology , Shillong Medical...

No more DTO queues: Meghalaya takes 42 transport services online

SHILLONG, NOV 19: Getting a driving licence renewed, transferring...

“Not politics, but our rights”: Meghalaya deficit teachers donate Re 1 for Deputy CM, vow to continue strike

SHILLONG, NOV 19: Deficit teachers intensified their indefinite strike...