Shillong, K’Lyngkot 24: Ka ECHO India bad ka Meghalaya State Capability Enhancement Project (SCEP) lyngba ka Government Innovation Lab bad ka Meghalaya Early Childhood Development Mission (MECDM) ki lah pynlong ia ka Partner Launch Training ka ba ar sngi ban ai jinghikai halor ka jingkyntiew ia ka Early Childhood Education ha Meghalaya da ki rukom hikai ba thymmai ban pyntbit ia ki sap treikam jong ki nongtrei bapher bapher ha kaba iadei bad ka jing pyn saphriang ia ki jingnang jingtip.
Kane ka Partner Launch Training kadei ban ai jinghikai ba bniah bad pura bad kumno ba ka ECHO Model ka lah ban iarap ia ki nongtrei ha kaba iadei bad ka jing pyntbit ia ki sap treikam.
Ha kane ka jingialang, la don lang ki riew shemphang ryngkat bad ki nongiashim bynta ki ba lah ai ki jinghikai ba pura kynthup ia ki nongtrei naka tnat Social Welfare bad na Meghalaya State Rural Livelihood Society.
Haba kren ha kane ka sngi u Sampath Kumar ula pynshai ia ka jingdonkam jong ka rynsan ECHO bad ula batai ruh ia ka jingdonkam ban kyntiew ia ka jingheh jingsan ki khyllung bad khynnah (Early Childhood Development).
U Sampath ula ong ba ka jylla ka lah pyndonkam ia ka bor Technology na ka bynta ban buddien bad peit thuh ia ki ba bun ki dak ki shin ki ba iadei bad ka koit ka khiah bad ka roi ka par jong ka jylla.
Ula ong ba ka jing ia teh kam bad ka ECHO-India kan kham pynkloi ha ka liang ban pynkhlain bad pyntbit shuh shuh ia ki sap treikam ki ba lah don lypa bad lyngba ka jing pyndonkam jong ka bor Technology ka lah iarap ia ka Meghalaya ban pynduna ka jingiap hapdeng ki longkmie, ki khyllung bad khynnah bad kumjuh ruh ban pynduna ia ka jingkhrew ha ki khynnah (SAM bad MAM) ha ki por ba lah dep kaba pyni shuh shuh balei donkam ban pyntbit ha kane ka liang khnang ban pyn neh ia ki thong ki ba lah jop.
Ula ai jingmut shaphang ka jingsdang ai ki jinghikai ba man ka taiew ryngkat bad ki jing iashim bynta ba man u bnai ha ki Anganwadi Centers (AWC).
“Ngi donkam ka jing pynkylla ia ka rukom treikam ha kaba ki Lady Supervisors kin pynkylla ia ki Anganwadi sentar sha ki Early Childhood Development sentar hapoh kine ki hynriew (6) bnai ban wan. Ia kane ka jing pynkylla donkam ia ka jingshim bynta jong ki khynnah, ka ban pynsan ia ki bor pyrkhat jong ki bad ia kane yn pyniaid shakhmat da ki Child Development Project Officers na ki Anganwadi Center” la ong u Sampath.
Haba pynkut ia kane ka training ai jinghikai kaba ar sngi, U lah ai jingmut ban buh ia ka thong ban sdang ki rynsan ai jinghikai 55 tylli ka ba ia ryngkat bad ka jing don ki 55 tylli ki block bad U lah pynshai ruh ba donkam ban lam lynti na ka liang ki nongtrei ha ka block ban pyniaid ia ka kam.
Naka liang u Pravin Bakshi (IAS), Commissioner and Secretary ka tnat Social Welfare ula kren shaphang ka jing donkam ka bor Technology bad Internet bad ula pynshai daka ba ong “Ka jing don jong ki tiar ba pyndonkam ia ka bor technology bad internet kan iarap ban pyn kloi ia ka jingsaphriang jinghikai bad pyn neh ruh ia ki ha ka ba bun ngut ki briew khlem ka jingdonkam jong ki ban leit na kawei ka jaka shawei pat haba pyntbit ia ki sap treikam. Ki rynsan ba lah pyndonkam da ka bor Technology bad Internet ki ai lad ia ki nonghikai ban pynkylla bad pyn wandur ia ki rukom ai jinghikai katkum ka jingdonkam ki nong iashim bynta ki ba na ki jaka ba pher ba pher bad kan iarap ban ai jinghika ka ba pura kham tam ha ki samla”.
U Pravin ula iaroh ruh ia ki rukom treikam ki kynhun kum ka ECHO-India bad ka jingdonkam ban ia kren bad shim bynta mar kylliang jong baroh ki nong trei kam ha baroh ki liang.
