Shillong, K’lyngkot 24 : U Myntri ka Tnad Social Welfare Bah Paul Lyngdoh ha ka sngi Balang ula ong ba ka Sorkar kan sa shim ia ka rai haba pynshong nongrim kat kum ka jingai jingmut jong ka Search Committee bad kumjuh ruh ia ki aplikeshon jong ki riew shimet ban thung ia ka Chairperson ba thymmai ka Meghalaya State Commission for Women (MSCW).
Haba iakren bad ki nongthoh khubor, u Bah Paul u iathuh ba ka Tnad kala dep pynmih ia ka jingpynbna paidbah halor kane ka kam bad haba kut u Kyllalyngkot, yn sa pynkut noh ia ki kam baroh.
U pyntip ba ka Sorkar kala rai ban ailad wat ia ki riewshimet, ki bym shym la shah jer kyrteng ha ka Search Committee, khnang ban nym don mano manor uh ki ban sngew ba kila shah pynduh ia ka lad ban aplai (ia ka kam).
“Ngi la ioh ia ki jingtip ba ki don ki briew kiba sngew ba ki biang ban bat ia ka kam hynrei kim shym la shah jer kyrteng ha ka Search Committee. Kumta ban ailad ia baroh, ngi la plie ia ka jingkhang ia baroh bad ka Sorkar kan sa shim ia ka rai halor ka jingai jingmut ka Search Committee bad ruh ki aplikeshon jong ki riew shimet” ula ong.
Haba kylli, u MYntri ula ong ba ka Sorkar kan sa lah ban jied ia ka Chairperson ba thymmai jong ka MSCW hapoh ka taiew ba nyngkong jong u Rymphang.
