Shillong, Nailar 14 : Ka Meghalaya Multisectoral Project for Adolescent Wellbeing, Empowerment and Resilience (MPOWER) kala iasoi ia ka contract ba 4 snem bad ka Global AgriSystem Pvt. Ltd, ban pynkhlain ia ka jingpeit bniah bad bishar ia ki project ba pyntreikam ha Jylla.
Ia ka soskular la iasoi ha ka sngi Thohdieng ha Main Secretariat Building ha ka jingiadonlang u Vijay Kumar Mantri, Co-Project Director ka MPOWER bad Commissioner & Secretary ka Tnad Pule Puthi Dr. Ravendra Singh, Senior Adviser, ISS (Retd.) na ka Global AgriSystem; bad u Bah Wankit Kupar, Deputy Project Director, MPOWER.
Hapoh ka contract, ka Globan AgriSystem kan pynlong ia ka jingpeit bniah naduh kaba sdang, man ka lai bnai, shiteng snem bad haba kut jong ki project ban lah buddien ia ka rukom pyntreikam, ban thew ia ki jingtreikam bad ithuh kham kloi ia ki jingeh.
Ka jingphaikhmat ba hakhmat eh kan long halor ka jingtei iaki samla lud kynthup ia ka pule dangle, ka jingsah klas ki khynnah, ka koit ka khiah, ka jingpynkubor, ka jingdon sap bad ka jingkiew kyrdan sha ki jingpule ba kham halor bad ka iohkam iohjam.
Ka kompani kan pynkhlain ruh ia ka jingpeit bniah lyngba ki kor digital jong ka MPOWER bad ka MIS system ha kaban pynthikna ia ka jinglum jingkhein ha ka por kaba biang bad ka jingai jingtip kat kum ki sakhi.
Ka kompani kan leit ruh ban iakren bad ki khynnah pule, ki skul, ka imlang sahlang, ki youth centre, bad ki tnad Sorkar khnang ban lum jingtip ia ki jingsngew ki nongioh bynta bad kaei kaba jia ha madan.
Ia ki jingshem yn sa pynkylla kum ki kaiphod bad ki jingai jingmut ki ban iarap ia ka MBMA bad ka MPOWER ba kin pynjanai ia ki prokram bad ka plan.
 kala iasoi ia ka contract ba 4 snem bad ka Global AgriSystem Pvt. Ltd, ban pynkhlain ia ka jingpeit bniah bad bishar ia ki project ba pyntreikam ha Jylla.){kind=link}