TURA, NAIWIENG 30: Ka Dorbar kaba ar sngi jong ka Garo Hills Autonomous District Council kaba la kut noh haka 29 tarik u Naiwieng, kadei ka dorbar kaba khatduh jong une u snem bad kawei na ki mat iatai kaba kongsan kadei halor ka jingdonkam ban don iaka thup kyrteng ne Electoral Roll kaba kyrpang na ka bynta ka elekshon jong ka council.
Ki MDC ka Trinamool Congress kiba don haka Liang Pyrshah kila wanrah ia katei ka mat ha kaba Executive Committee jong ka Council kaba ialam da ka kynhun NPP kala pynpaw ba ki don bun ki jingdonkam bad ki kam kiba hap ban leh ban thaw iaka Electoral Roll kaba kyrpang.
U CEM ka GHADC u Albinush Marak ula wanrah ruh iaka Mang Tyngka na ka bynta u snem ba dang sah bad ka dorbar kala ai iaka jingmynjur iaka mang tyngka.
Ha kane ka Dorbar, ki MDC ka liang pyrshah kila iatai ruh halor ka jingbym lah ban shna pyndep iaka MDC Hostel bad halor ka kam jngohkai na ka bynta ban pynmih khajna iaka rilum Garo.
