Guwahati, Jymmang 14: Ka Union Ministry for Development of North Eastern Region (MDoNER) ka la pynlong ia ka high-level meeting ryngkat bad ka kynhun na ka shnong Kongthong kaba pawnam jong ka jylla Meghalaya ban iakren ia ki lad ki lynti ban pynneh pynsah ia ka jingrwai iaw bei bad kyntiew ia ka riti dustur bad ka pateng tynrai jong ka.
Ïa kane ka jingïalang ba la pynïaid da u Angshuman Dey, uba dei u Joint Secretary ka MDoNER la pynlong ha Ministry’s Jodhpur Officers’ Hostel ha New Delhi ha ka 12 tarik Jymmang.
Ki heh ophisar ki la ong ba ki jingïakren ki long halor ka jingïada ïa ka rukom pynïasoh jong ka shnong kaba la rim da ki spah snem lyngba ka jingrwai iaw bei, ha kaba ïa uwei pa uwei u nongshong shnong la ithuh lyngba ka sur jingrwai ba kyrpang ha ka jaka ban shaniah tang ha ki kyrteng ba la ju tip. Ka dustur, kaba la tip ha la ka jong ka jaka kum ka “jingrwai paidbah,” ka la pynlong ïa ka Kongthong ban tip ha ka pyrthei kum ka “Whistling Village of India.”
Ka shnong Kongthong ka dei ka jaka sah jong ki trai ri trai muluk jong ki Khasi, ha kaba ïa ki sur jingrwai ba la shna kyrpang da ki kmie na ka bynta ki khun jong ki tang hadien ba la kha ïa ki. Ki nongshong shnong ki pyndonkam ia kine ki sur ban kynud ne khot ha kylleng ki khlaw bad ki lum, kaba pynpaw ia ka jingthoh tynrai kaba kyrpang kaba iadei bha bad ka mariang bad ka jingim ha ka imlang sahlang.
Ha kane ka jingialang la don lang u Richard L. Jongte, Deputy Adviser (IPR), ka North Eastern Council, ki heh ophisar jong ka MDoNER, bad san ngut ki nongmih khmat na ka shnong Kongthong, kiba la iasam ia ki jingshemphang halor ka jingpynneh pynsah ia ka jinglong tynrai jong ka imlang sahlang bad ki rukom tip tynrai.
Ki jingïamir jingmut ki la pynpaw ruh ïa ka jingdonkam ban pynïahap ïa ka jingsumar ïa ki pateng bad ki kam jngohkai pyrthei kiba lah ban neh bad ki jingthmu ba la ïalam da ki paidbah kiba thmu ban pynkhlain ïa ki rukom im jong ki nongshong shnong katba dang ïada ïa ki riti dustur trai ri trai muluk.
Ka Kongthong ha kine ki snem ka la kylla long kum ka jaka jngohkai pyrthei kaba pawbha bad ka la khring ia ka jingmut jingpyrkhat jong ki ri ka pyrthei lyngba ki jingthoh bad ki jingpynbna jngohkai pyrthei ne ka tourism campaigns.
 ka la pynlong ia ka high-level meeting ryngkat bad ka kynhun na ka shnong Kongthong kaba pawnam jong ka jylla Meghalaya ban iakren ia ki lad ki lynti ban pynneh pynsah ia ka jingrwai iaw bei bad kyntiew ia ka riti dustur bad ka pateng tynrai jong ka.){kind=link}