Shillong, Dec 28: Ka Tata Motors, kaba dei ka kompani shna kali kaba heh tam hapoh ri India, kala iasoi iaka soskular kaba 5 snem bad ka Meghalaya Rural Bank ryngkat ka jingiatreilang bad ka sorkar India, ka sorkar jylla bad State Bank of India ban wanrah ia ki thup ai jngiarap haba phai sha ki jingeh jong ki paidbah ha ka pisa pilaiñ.
Kine ki jingmyntoi kin treikam ha kylleng ba don ki Tata Motors Small Commercial Vehicle (SCV), kane ka jingiateh lok ka long da ka jingthmu ban plie lad ia ki nongthied ban ioh iaka jingbei tyngka.
Ka Tata Motors kan kyntiew iaka Meghalaya Rural Bank kaba don ha kylleng ki bynta jong ka jylla kaba don haduh 90 tylli ki shnat treikam ki jongka khnang ba yn lah ban pynbiang iaka jingdonkam jong ki nongthied.
Nalor kane ka Tata Motors SCV kala dep ruh ban ai jinghikai ia kiba bun ha kylleng ki jaka kiba don ha sor bad nongkyndong bad kala aikam aijam haduh 30 lak ngut ki nongshong shnong ka Ri.
Kane ka kompani kadei ruh kaba sdang nyngkong ban pynmih iaki SCV, ki mini-truck bad ka Ace hapoh ka ri, ka Tata Ace bad Tata Intra kidei ki kali kiba bun ki pyndonkam ban poi ha kaba kut jong ka jaka.
Ka Chairperson jongka Meghalaya Rural Bank Tshering Diki, kala pynpaw ba ka Meghalaya Rural Bank ka dap da ka jingkmen ban pyniasoh bad kiba don ia ki jingthrang haka jylla Meghalaya lyngba ka Tata Motors.
Katba u Rajesh Kaul, Vice President, Sales & Marketing, Commercial Vehicle Business, TataMotors, ula ong “Ngi dap da ka jingkmen ban iatreilang bad ka Meghalaya Rural Bank ban pynpoi iaki kali kiba bun jait ki jong ngi sha ki paidbah, ha kaba kin ioh iaka jingiarap tyngka bad ka jingbym khim than ka rukom siew iaka pisa. Ka Tata Motors kala buh beit iaka thong hakhmat eh haka jingshakri ka jongka ia ka bha ka miat jong ki nongthied.
Ula ong, ka Ace bad ka Intra kila poi ha ki jaka kiba kut tam jong ki shnong ki thaw, khamtam haba ki long ki kali kiba aram ban shong bad ki bym remdor bad da ka jingiatreilang bad ka MRB kin iai bteng ban ai ka jingshakri ia ki paidbah ka jylla.
