Shillong, Lber 27: Ka Sorkar Meghalaya ha ka sngi Thohdieng, kala iasoi ia ka Memorandum of Understanding (MoU) bad ka National Jal Jeevan Mission (NJJM), kaba hap hapoh ka Ministry of Jal Shakti, ban pynsted ia ka jingpyntreikam ia ka Water Supply Scheme lyngba ka JJM ha kylleng ka Jylla.
Ka soskular, bala iasoi lyngba ka video conference ha ka jingiadon ryngkat u Myntri Rangbah ka Jylla Conrad K Sangma bad u Myntri ka Jal Shakti CR Patil, kan pynlah ia ka Sorkar Pdeng ban pynlait ia ka song pisa kat kum ka jinglah treikam bad u soh ka jingshakri kam hapoh ka Jal Jeevan Mission.
Ka MoU kala ban jur halor ka jingpynthikna ia ka jingtreikam kaba neh jong ki Rural Water Supply System, bad ka Sorkar Jylla ka ban shim ia ka jingkitkhlieh ba hakhmat eh ban pyntreikam, ban peit thuh bad ia ki jingneh ki jingshakri.
U Secretary & Commissioner (PHE), Meghalaya, Pravin Bakshi, ryngkat ki Heh Ophisar kila iadonlang ha kane ka jingialang.
Haba ai jingkren, u Conrad ula pdiang ia kane ka soskular bad ban jur ia ka jingkut jingmut ka Sorkar ban pynioh ia ka um bam umdih kaba shngain bad ba khuid sha baroh ki longiing. Ula ban jur ia ka jingdonkam ban don ka water policy kaba bniah bha bad ula kren ruh ia ki jingpyrshang ba dang iaid mynta ban pynim pat ia ki tyllong um ha kylleng ka jylla Meghalaya.
U Patil ula pynpaw ia ka jinglong kongsan ka jingai jingshakri sha ki jaka ba jngai duh bad ong ba ka thong jong ka “Viksit Bharat” ka lah ban urlong tang lada ka umbam umdih kaba shngain ka poi sha man ki thliew iing. Ula ban jur ba dei ban pyntreikam thikna bha ia ka ka Jal Jeevan Mission ha ryngkat ka plan kaba bniah bad ba don jingmih.
U Myntri ka Sorkar Pdeng ula khot ruh ia ka jingklop lang ia kiwei ki prokram, kynthup ia ka G-Ram-G Programme, ban nang pynmyntoi shuh shuh bad nang pynkhlain ia ka rukom pyntrei ia ki kam.
 bad ka National Jal Jeevan Mission (NJJM), kaba hap hapoh ka Ministry of Jal Shakti, ban pynsted ia ka jingpyntreikam ia ka Water Supply Scheme lyngba ka JJM ha kylleng ka Jylla.){kind=link}