Shillong Naitung 02: Ka IIM Shillong ha ka sngi Saitjaiñ kala iasoi ia ka Memorandum of Understanding (MoU) bad ka sorkar Nagaland na bynta ban pyniar iaka jinghikai bad ban kyntiew ia ka pule puthi jong ki samla ka Nagaland ha ka Higher Education & Skill Development.
U Myntri ka tnad pule puthi ka sorkar Nagaland u TemjenImna Along, ula pynpaw ia ka jingsngewhun ia ka jingiatreilang hapdeng ka IIM Shillong bad ka sorkar jylla Nagaland bad ula iaroh iaka jingshemphang bad ka jingtbit jong ka IIM bad kane kan wanrah iaka jingkylla haka pule puthi ha ki kyrdan kiba heh ha ka jylla Nagaland.
Ka thong jong kane ka jingiatreilang ka long ban wanrah ia ka jingkylla ha kiba bun ki liang bad ban kyntiew shuh shuh ia ka pule puthi bad ban pyntreikam ia ka New Education Policy (NEP).
Ka Education Policy kaba thymmai la pynwandur ba kan lah ban sei ia ki khynnah kiba tbit ban ai sha ki ia ka jingpule ba paka bad ka sorkar jylla ruh kan ai ka jingkyrshan bad ka jingiatreilang na bynta ban long kaba jop.
Halor ka NEP 2020, u TemjenImna ula ong ba kadei ka jingiohi jngai bad ka jingpyntreikam ia kane ka Polisi ka long kaba biang bha na bynta ka pule puthi. Ia ka NEP la wanrah na bynta ban pynwandur ia ki khynnah ha ka liang ka jingpule.
Katba u Atul Kulkarni, dkhot jong ka BoG, IIM Shillong, ula pynthikna ba kane ka jaka pule kan ialeh ban kyntiew ia ki samla pule jong ka thain shatei lam mihngi bad ula kyntu ia ki samla pule ka thain ba kin shim ia ka kabu ban pule ha ka IIM ban pyntbit ialade ha kiba bun ki lain jingpule.
Katba u Prof. DP Goyal, Director IIM Shillong, acknowledged the immense responsibility towards the North East and the institute’s commitment to reaching out to all states in the region. The Community Immersion Program (CIP) of IIMS will play a pivotal role in addressing the specific needs and concerns of the local community.
U Director jong ka Higher Education Nagaland, u la pynpaw ia ka jingsngewkmen ia kane ka sienjam ha kaba kane kadei ka sien kaba nyngkong eh ban iatreilang bad kane ka jylla Nagaland.
Na ka liang jong u Nitin Sharma u dkhot jong ka BoG, IIMS, u la iaroh ia ka MOU ba la iasoi namar kane kan plie lad ia ki khynnah ka Nagaland ba kin don bynta hapoh kane ka shatri jong ka IIM khlem da donkam ban iakhun ia ka Common Admission Test (CAT).
Pule lang ia kane: Ujor ka HYC ba trei torti ia ka surok Mustoh sha Shella
.){kind=link}