Shillong, K’Lyngkot 25: U Lat ka Jylla u CH Vijayashankar hynne ka sngi u la ai ka jingiaroh ïa ka rukom synshar paidbah kaba kyrpang jong ka Jylla Meghalaya, kaba la shong tynrai bha kat kum ki riti dustur tynrai.
U Lat u la iaroh ia ki rukom synshar ba iashim bynta lang jong ki jaitbynriew Khasi, Garo, bad Jaintia, kiba iadei bad ki jingdonkam ba kongsan jong ka synshar paidbah.
Haba kren ha ka jingrakhe ia ka National Voter’s Day kaba la long ha U Soso Tham Auditorium, u CH Vijayashankar u la iaroh ia ka Election Commission of India bad ka tnat Election ka Sorkar Jylla halor ka jingtrei shitom jong ki ban pynlong ia ka ilekshon kaba laitluid, kaba hok, bad kaba khuid, khamtam ha ka por ilekshon Lok Sabha kaba 18, ha u snem 2024 ha kaba la sakhi ia ka jingwan thep vote kaba la pynkhein ia ka rekod kaba kot haduh 76.61%.
Iaka program la pynlong daka Office jong u Chief Electoral Officer, Meghalaya ban rakhe iaka 15th National Voter’s Day hapoh ka phang pdeng “Nothing Like Voting, I Vote for Sure.
Ha kane ka sngi la donlang ruh u Chief Secretary ka Jylla u Bah DP Wahlang, ka Deputy Commissioner ka East Khasi Hills ka Kong Rosetta Mary Kurbah.
Kane prokram ka la pynskhem biang ia ka jingaiti jong ki paidbah ka Meghalaya ia ki jinglong jong ka synshar paidbah bad ia ka bynta ba kongsan jong uwei pa uwei u nongthep vote ha kaba pynskhem ia ka nongrim jong ka ri paidbah.U Lat ka Jylla u CH Vijayashankar hynne ka sngi u la ai ka jingiaroh ïa ka rukom synshar paidbah kaba kyrpang jong ka Jylla Meghalaya, kaba la shong tynrai bha kat kum ki riti dustur tynrai.
