Shillong, Lber 08 : U Myntri Rangbah ka Jylla Conrad K Sangma u la rakhe ïa ka International Women’s Day ha ka sngi U Blei da kaba pynïasoh ia ka jingialeh ka Meghalaya ban kyntiew ia ki Self Help Group (SHG) bad jingkyrshan ia ki nongsengkam kynthei halor ka phang pdeng “ai ban iohnong” haba ong ba ka jinglaitluid ki Kynthei ka pynmih ia ka jingkiew kaba kham heh.
Ha ka khubor bala ai ha ka social media, u Sangma ula ai khublei “International Women’s Day’ kaba kmen ïa ki kynthei “kiba ngeit, kiba thrang, kiba weng ïa ki jingkhanglad, bad kiba jop ïa shibun kiei kiei.
Wishing all the incredible women who believe, dream, break barriers, and achieve so much more a very Happy International #WomensDay.
In Meghalaya, #WomenEmpowerment means ensuring that women have the freedom to make their own choices, achieve financial independence, and pursue… pic.twitter.com/kmQ3mfbOZu
— Conrad K Sangma (@SangmaConrad) March 8, 2026
“Ha Meghalaya, ka jingpynkupbor ia ki Kynthei ka mut ka jingpynthikna ba ki Kynthei ki ioh ia ka jingleitluid ban jied hala ka mon, ioh ia ka jinglaitluid ha ka kamai kajuh, bad ban buddien iala ki jong ki jingangnud da ka jingsngewskhem” ula ong.
Ula kdew ba ka SHG network ha Meghalaya, ka jingiarap ia ki Kynthei kiba sengkam lajong bad ka jingwanrah ia ki skhim na ka bynta ki nongrep, ki dei ki mat ba long ki sakhi.
“Lyngba ka SHG movement kaba khlain jong ngi, ka jingkyrshan ia ki kynthei ba sengkam lajong bad ka skhim ka bha ka miat ki nongrep, ngi la sakhi ia ka bor jong ka jingpynkupbor lang, kaba pyni shisha ia ka matpdeng jong une u snem, ‘Ai ban Iohnong” ula thoh.
 bad jingkyrshan ia ki nongsengkam kynthei halor ka phang pdeng “ai ban iohnong” haba ong ba ka jinglaitluid ki Kynthei ka pynmih ia ka jingkiew kaba kham heh.){kind=link}