Shillong, Jymmang 23 : Uwei u briew ba hapdeng 30-35 snem, ba suba jur ba dei u nongdih droks, ula iap hapoh ka painkhana jong kawei ka petrol pump kaba don ha Norbong, Ri-Bhoi District.
Kat kum ka jingiathuh u Superintendent of Police kaRi-Bhoi, une u briew u bym lah ban ithuh, ula leit rung ha kane ka painkhana ha ka sngi Palei por 5: 38 baje janmiet bad ula khang ialade hapoh jong kane ka painkhana.
U iathuh ba hadien ba kyndang ia kane ka painkhana, la lap ia une u briew hapdeng ka jingbym tip briew ha ryngkat bad u thyrnia injek ha ka kti kamon.
Ia une u briew la pynkit mar mar sha Byrnihat PHC hynrei ki doktor kila pynbna ba ula khlad.
Ia ka metiap la kit noh sha Civil Hospital, Nongpoh ban pyndep ia ka post mortem.
