Shillong, Jymmang 23: Ka Jaiñtia National Council (JNC) Khliehriat Circle ka la kyntu ïa ka Sorkar Jylla ba kan leh eiei halor ka jingjyllei jong u drok ha ka jylla.
Ha ka kyrwoh, u Working President ka JNC-KC u samla Symboh Baiar Sumer u la ong ba ka jingma jong u drok ka long ka jingma kaba khraw ia ka imlang sahlang khamtam ia ki khun samla.
“Ngi kyntu jur ïa ki tnat treikam ka Sorkar Jylla kiba dei peit ba kin tuklar bad shimkhia mardor halor kane ka kam” la ong u samla Symboh.
Kane ka jingkyntu iaka Sorkar ka wan hadien ba ka JNC ka la kem ia 2 ngut ki nongdih drok ha kaba kala aiti ruh iaki sha ki baha iing hasem ban ioh phah nongsumar ban lait naka jingkyrni drok.
U samla Symboh u la ong ba ki 2 ngut kiba la kem ki la pynpaw ba ki don katto katne ngut ki nongkhaii drok kiba treikam hapoh ka thain East Jaintia Hills District.
U la ong ba ka JNC ka ïeng haka nongrim ban ialeh pyrshah ia ka jingma jong u drok bad ban pynthikna ba ka jingpynpoi bad jingsam ia u drok kan jah rngai noh na kane ka thain.
Nalor kane u nongialam ka JNC u la kyntu ruh ïa ki paidbah haka imlang sahlang ba kin ïatylli ban ïakhun pyrshah ïa ka jingkhaïi ba dih drok.
 Khliehriat Circle ka la kyntu ïa ka Sorkar Jylla ba kan leh eiei halor ka jingjyllei jong u drok ha ka jylla.){kind=link}