Tura, Nailur 02: Uwei u Nongniah thuk thuk ula iap hashen bad uwei pat ula mynsaw na ka jingshah ban ha kawei ka trok kit kyiad, kaba la kylla ha kawei ka jaka khongdong ha West Garo Hills.
Kane ka trok ka dei kaba wan kit ia ka kyiad naka bynta ka Bonded Warehouse, ong ki Pulit.
Ki iathuh ba uwei u Nongniah thuk thuk bad uwei u nongniah scooty ba dang mut tam ia kane ka trok, kila shah ban ha ka jingkylla kane ka trok. Une u nongniah thuk thuk ba iap u kyrteng u Lohit D Marak ban a Megal Akong, kaba don ha Kharkutta, North Garo Hills.
U Nongniah scooty ba kyrteng u Lenitson Marak ba na Samingre uba mut tam lang ia kane ka trok, ula shah sangah ha kane ka trok haduh ba ula mynsaw jur bad la pynkit ia u sha Tura Civil Hospital.
La iathuh ba u Lohit Marak u dei uba trei hapoh ka Tnad Taxation bad ula ieh shadien ia ka kurim bad lai ngut ki Khun. U Khun ba nyngkong u dei u Pastor bad kawei ka Khun Kynthei ka dei kaba trei nos.
