Tura, Nailar 13: Uwei u Khynnah skul ba dang 13 snem ka rta, ula iap hashen bad arngut ki paralok jong u, kila mynsaw jur na ka jingjia aksiden hapdeng ka scooty ba u niah bad kawei ka bos skul.
Kane ka jingjia kala jia hynne ka janmiet ha ka thain Songsak, East Garo Hills katba kine ki khynnah skul ki dang don ha lynti ban leit sha iing.
Kine ki laingut ki khynnah skul kiba dei na ka skul Chidimit, kila leit tynrah ia kawei ka bos skul jong ka skul St Francis ha ka jaka ba la tip kum ka Tebil Bonegre, kaba don shabar ka sor Songsak.
Une u kynnah skul u ba iap u kyrteng u Tengbath Ch Marak ba na Dalbing, North Garo Hills katba ki arngut ki paralok ba mynsaw ki dei u Dabo T Sangma ba 15 snem na Tapa Darengchi, North Garo Hills bad u Artush Sangma ba na Koksi Rongtang, North Garo Hills.
La iathuh ba kine ki arngut ki khynnah ba mynsaw kila don hapdeng ka jingbym tip briew namar ka jingjur ka jingmynsaw na ki bynta ka khlieh.
Ia kine kiba mynsaw la kit noh sha ka hospital ba marjan ban ai ia ka jingsumar.
