Nongpoh, Jylliew 20 : Uwei u Khynnah ula iap jyllop hynne ka sngi Ba-ar hapoh ka Wah Umtrew, Byrnihat namar ka jingsyntuid shapoh Wah katba u dang ialehkai bad la ki jong ki paralok harud jong ka Wah.
Kane ka jingjia kala jia ha ka Shnong Amtola kaba hap ha Assam bad ia une u khynnah la tip kyrteng u Asabil Ali. Kane ka jingjia kala jia ha ka por 10 baje mynstep, ong ki Pulit.
Namar ka jingheh jong ka Wah, kala pynlong ia ki paralok ban shu peitkai bad ym lah satia ban iarap ia une u khynnah uba la ngam jyllop.
Ki rawon kiba dang khwai dohkha sha shilling ka Wah, mar syn iohi ia kane ka jingjia, kila pyrshang ban leit iarap hynrei namar ka jingheh um ka wah bad ka jingslem ban poi sha kane ka jaka a hap, kala buh ia ki ha ka jingeh.
Ia ka metiap jong une u Khynnah la ioh sei noh da ki Pulit ka Emergency Rescue Team jong ki Pulit ka Assam ha ka por 1 baje mynsngi.
