Nongpoh, Lber 11 : Uwei u nongniah local taxi ula iap hashen na ka jingleit tynrah ia kawei ka trok kaba wan mar pyrshah ha ka surok Shillong Bypass, hajan ka shnong Umdohbyrthih.
Kane ka jingjia kala jia ha ka por 1 baje nohphai sngi eiei.
Kat kum ka khubor Pulit, ia une u nongniah taxi ba khlad la tip kyrteng u Twalson Kharbudnah uba shong ba sah ha ka shnong Umsmu, Umsaitsning.
La ong ba kane ka jingjia kala wan jia na ka jingkynnoh pynher sted une u nongniah local taxi ia ka kali kaba don u nombor ML06-8101 nalor ka jingiaid na ka liang ka bym dei. Ka trok kaba iatynrah ka don u nombor ML04-D-0386.
Ki pulit ka Khapmara PIC kila hiar ban tohkit ia kane ka jingjia bad ia ka metiap la pynkit noh sha hospital.
