Shillong, Nailar 07: Lai ngut ki briew kila iap hashen bad 2 ngut kila mynsaw jur haba ka trok ba ki shong,kala hap shapoh ka riat hajan lad Mawkhap kaba don ha lynti na Shillong-Dawki, ha ka janmiet sngi U Blei.
Kane ka trok ka dei kaba don u nombor ML05-G-9528, ong ka khubor ki Pulit.
Ki pulit ki iathuh ba u nongniah kali ula pynnoh ia ka kali shariat hadien ba u khlem lah satia ban tehlakam ia ka kali namar ka jingbym treikam shuh ka brake jong ka kali. La pyntip ba kane ka kali ka dei kaba mih na Pynursla ban wan sha ka thain Laitlyngkot bad ka dei ruh kaba kit ia ki masi.
Kane ka jingjia kala paw pyrthei hadien ba uwei na kiba lait um, ula par na kane ka riat sha ka surok Highway ban pan ia ka jingiarap, ong ki Pulit.
Ki Pulit kila register case halor kane ka jingjia bad ka jingtohkit mynta kala iaid shakhmat.
Pule ruh: Lum ka SKRS ia ki VEC ka Umling bad Jirang shuwa ban kiew Iingkashari namar ka skhim NREGS
