Shillong, Nailar 07: Ki bor pyniaid ka skul Hk Singh Memorial Secondary School, Jowai, hynne ka sngi Nyngkong, kila pynkup burom bad kitbok kitrwiang ia ka kynhun ialehkai phutbol ka skul ka ban mihkhmat ia ka Jylla sha ka U-14 Subroto Cup ha Bangalore.
Ia kane ka jingialang pynkup burom la pynlong hapoh ka Auditorium jong ka Skul ha kaba u MLA ka Jowai Bah Wailadmiki Shylla ula long u Kongsan bad ka DSEO ka West Jaintia Hills Kong A Syiem kala long ka kongsan symbud.
Ka kong Syiem kala ai khublei ia ka kynhun ka ban mihkhmat ia ka Jylla bad ai mynsiem ia ki ba kin trei shitom khnang ba kin lah ban wanrah ia ka nam sha ka Jylla.
U Bah Wailadmiki ula kyntu ia ka kynhun ban trei shitom namar kam pat don kawei ruh ka kynhun na ka Jylla ka ban ioh rah ia ka nam lahduh jong kane ka lympung ialehkai.
Ula pynbna ruh ia ka song pisa ba T.1 lak sha kawei pa kawei ka kynhun ialehkai na Jowai Constituency ka ban mihkhmat ia ka Jylla sha ka Subroto Cup naduh mynta.
Kiwei pat kiba la kren ha kane ka jingialang ki kynthup ia u Principal ka skul Bah T Passah, kong N Passah bad kiwei kiwei.
Pule ruh: Iap 3 ngut mynsaw 2 ba hap ka trok sha riat Mawkhap
