Imphal, Rymphang 24: Uwei u Rangbah ula khlad noh katba uwei pat ula mynsaw jur, na ka jingbthei u Bomb IED hapoh jong ka DM University Complex kaba don ha Imphal, ha ka miet jong ka Sngi Thohdieng.
Ki pulit kila suba jur ba utei u bomb uba la bthei udei u IED bad ula bthei ha ka bynta jongka ophis treikam jong ka kynhun seng bhalang.
Ki pulit kila suba jur ba kane kadei da ka jingthmu ban pynbthei bomb ia ka ophis treikam jong ka All Manipur Student Union (AMSU).
Ki khubor kiba la iohlum, ki iathuh, ba la pynkit noh mardor ia ki ar ngut kiba la mynsaw jur sha kawei ka hospital ban ioh ia ka jingsumar kaba mardor.
Nalor kane, la ioh jingtip ruh ba kala don ruh ka jingwiang ding ia kawei ka ophis treikam jongka sengbhalang, hynrei haduh mynta dang ap ban ioh ia ka kyrwoh khubor na ki pulit halor katei ka jingjia.
